BOREA - RAHOVECI
Rahoveci deklason Borean
20 January, 2019 @20:27
Skuadra e Rahovecit me lehtësi e mposhti Borean me rezultat 59-129 në kuadër të ndeshjes mbyllëse të xhiros XV të Superligës së Kosovës në basketboll.
Sonte te Rahoveci funksionoi edhe reparti i mbrojtjes edhe i sulmit. Në çerekun e tretë, vreshtarët pësuan vetëm nëntë pikë, derisa arritën të shënojnë 43 pikë.
Te vreshtarët shkëlqeu Arian Qallaku, i cili ishte shumë afër shifrave magjike triple-double duke luajtur me 28 pikë, 11 kërcime e 9 asistime. Pas Qallakut më i miri ishte i riu Xhemajlibardhi Rexha me 22 pikë e 14 asistime, derisa përforcimi i ri Fisnik Juniku luajti me 9 pikë e 10 asistime.
Në anën tjetër te Borea më i miri ishte Albin Berisha me 16 pikë.
Kjo ishte fitorja e 10 e stinorit për Rahovecin dhe aktualisht gjendet në pozitën e tretë, kurse Borea me 3 fitore e 12 humbje gjendet në fund të tabelës.
