Trepça e Prishtina pa problem

Dy ndeshjen e para të javës së parë të stinorit pranveror në BKT Superligë kanë kaluar pa befasi.

Në përballjen ndërmjet Trepçës dhe Dritës, që u zhvillua në palestrën Vushtrrisë, fitore shënoi ekipi mitrovicas me diferencë prej 23 pikëve, 79-58.

Trepça që nga fillimi i ndeshjes dominoi në lojë, duke qenë më e mirë se Drita në të gjitha çerekët e ndeshjes (22-09; 19-17; 16-11; 22-21)

Prishtina bindshëm ndaj Kosovës!

Fitore të pritur ka shënuar edhe Sigal Prishtina ndaj Kosovës së Vushtrrisë. Mirëpo e pa pritur ishte rezultati bindës i ndeshjes, ku bardhekaltërit shënuan fitore me rezultat të thellë 112-44.

Madje edhe më bindës ishte rezultati i çerekut të parë. Bardhekaltërit ishin superior në mbrojtje në këtë çerek, duke mos lejuar kundërshtarin të shënoj më shumë se vetëm një pikë! 

Prishtina çerekun e parë e fitoi me rezultat 27-1, kurse më pas epërsia gjithmon vazhdoi duke u thelluar ku në fund shkoi deri në 68 pikë për fitoren e 14 të këtij stinori për prishtinasit.