Trepça, e treta

Trepça e udhëhequr nga trajneri spanjoll Israel Martin ka arritur që të shënojë fitore shumë të rëndësishme ndaj rivalit prishtinas, RTV 21. 

Mitrovicasit kanë arritur të shënojnë edhe fitoren e dytë ndaj Teleboysave që në fund të stinorit mund të jetë tepër domethënëse për kualifikim eventual në Play Off, kur dihet se pikërisht Teleboysat ia morrën stinorin e kaluar nga duart Trepçës Play-Offin. 

Trepça ka qenë gjatë gjithë ndeshjes më e mirë se RTV 21 e Arben Krasniqit, që assesi të gjejë veten me rezultate dhe formën e stinorit të kaluar. Tre çerekët e parë i takuan plotësisht të gjelbërve, derisa në çerekun e fundit RTV 21 në disa momente u afrua shumë, por Martin i këshilloi lojtarët që të mos nguten. 

“Pse po nguteni, ata janë që duhet të mërziten për rezultat, ne jemi mbi 10 pikë përpara,” u tha Martin basketbollistëve të tij gjatë Time Outit për të ndalur serinë e Teleboysave. 

E kjo si duket në fund, kaloi me sukses pasi që përkundër përpjekjes Teleboysat e Arben Krasniqit regjistruan humbjen e shtatë të stinorit dhe të dytën nga Trepça për të kaluar në vendin e gjashtë të tabelës, derisa Trepça me koshdallim më të mirë, kalon në vendin e tretë me pikë të njejta si Bashkimi e Drita. 

Spanjolli Jan Orfila ka qenë më efikasi te xehetarët, duke shënuar 26 pikë dhe me vetëm një kërcim më pak prej double-doubleit, 9. Por këtë e arriti amerikani Robert Goff, që shënoi 14 pikë e regjistroi 12 kërcime në lojë duke qenë vendimtar në çastet e duhura me pikët e tij. 

Te RTV 21 ka shkëlqyer Jeremy Price me double-double prej 29 pikësh dhe 13 kërcimesh, derisa debutuesi Derrio Green ka shënuar 16 pikë dhe ka regjistruar 3 asistime në ndeshjen e parë me skuadrën e tij të re. 

Rezultatet dhe tabela aktuale.

Statistikat ekipore

	Rtv21	Trepça
Çereku i parë	13	19
Çereku i dytë	14	21
Çereku i tretë	17	20
Çereku i katërt	31	23
Kërcime	37	42
Asistime	18	15
Bllokada	1	2
Topa të vjedhur	14	13
Topa të humbur	21	19
Tentime për tre pikë	4/17	7/19
Tentime për dy pikë	22/45	20/44
Tentime nga gjuajtjet e lira	19/34	22/39

Statistikat individuale te RTV 21

1	Jeremy Price	29 pikë	13 kërcime	6 topa të vjedhura
2	Derrio Green	16 pikë	3 kërcime	3 asistime
3	Papa Dia	8 pikë	5 kërcime	2 topa të vjedhura
4	Erris Nushi	8 pikë	2 kërcime	1 asistim
5	Brendon Jenkins	7 pikë	5 asistime	2 kërcime
6	Samir Zekiqi	5 pikë	4 kërcime	3 asistime
7	Urime Zenelaj	2 pikë	7 kërcime	1 asistim

Statistikat individuale te Trepça

1	Jan Orfila	26 pikë	9 kërcime	3 asistime
2	Joshua Brown	16 pikë	5 kërcime	3 aisstime
3	Robert Goff	14 pikë	12 kërcime	3 topa të vjedhura
4	Valdrin Haxhiu	12 pikë	4 kërcime	3 asistime
5	Imer Tahiri	7 pikë	4 kërcime	2 topa të vjedhura
6	Fikret Handzic	6 pikë	4 kërcime
7	Besnik Azemi	2 pikë