KASTRIOTI (F) - TREPÇA (F)
TOPSPORTI / Arian Paçarizi
Trepça regjistron fitoren e parë
2 November, 2019 @16:55
Vashat e skadrës mitrovicase, Trepça, e regjistruan fitoren e parë të stinorit në xhiron e katërt në Ligën e Femrave në basketboll.
Trepça si mysafire e mposhti Kastriotin me rezultat 45-57.
Koshashënuesja më e mirë e ndeshjes te Trepça ishte Melisa Ibrahimi. Ajo luajti me 20 pikë, 5 asistime e 4 kërcime, derisa u ndihmua edhe nga Sihana Ramoja me 16 pikë e 7 kërcime.
Pas një lëndimi të gjurit, është rikthyer edhe kapitenja e skuadrës Lorena Haxha. Në ndeshjen e parë pas lëndimit ajo luajti me 12 pikë, 7 kërcime e 3 asistime, duke luajtur rol të rëndësishëm në fitoren e parë të Trepçës.
Te Kastrioti Anita Grainca luajti me double-double prej 15 pikëve e 19 kërcimeve, derisa u dalluan edhe Agnesa Rrahmani me 14 pikë dhe Edita Lutfiu me 10 pikë të tjera.
Që të dyja skuadrat i kanë nga 1 fitore e 3 humbje. Trepça në xhiron tjetër do të përballet me Vëllaznimin, kurse Kastrioti me Prishtinën.
