TOP 5-shja e javës në Ligën e Parë (3)

Pas ndeshjeve të përfunduara të xhiros së tretë në Ligën e Parë në basketboll, TopSporti.com ka përzgjedhur pesëshen e javës bazuar në performancat individuale të lojtarëve.

Ekipin e javës e përbëjnë: Lavdim Morina (New Basket), Endrit Berisha (Kerasan Prishtina), Diamant Shabani (Istogu), Xavier Newson (Vëllaznimi) dhe Dion Haxhosaj (AS Prishtina).

New Basket u mposht nga Kerasan Prishtina me rezultat 67-72. Në humbjen e New Basketit më i dalluari ishte Lavdim Morina. Ai luajti me 20 pikë, 4 kërcime, 3 topa të rrëmbyer e 2 asistime.

Endrit Berisha luajti rolin kryesor në fitoren e Kerasan Prishtinës kundër New Basketit. Berisha shkëlqeu me 28 pikë, 5 kërcime, 4 topa të rrëmbyer dhe me 3 asistime.

Istogu duke u mposhtur nga AS Prishtina, e regjitroi humbjen e parë të stinorit. Diamant Shabani ishte përsëri më i miri te skuadra e Istogut. Ai luajti me 20 pikë, 12 kërcime e 2 asistime, derisa për të tretën herë rresht Shabani arriti të hyjë në pesëshen e javës në Ligën e Parë.

Vëllaznimi në 3 ndeshjet e zhvilluara nuk ka pësuar humbje. Ata së fundi e mposhtën Borean me rezultat 52-78. Xavier Newson ishte më i miri te skuadra gjakovare me 27 pikë e 6 kërcime.

AS Prishtina e fitoi derbin kundër Istogut. Më i miri në parket ishte Dion Haxhosaj me 28 pikë e 15 këricme, duke luajtur rolin kryesor në fitoren e skuadrës.