TREPÇA - BASHKIMI
Trepça shkel Bashkimin, fiton derbin e parë
17 December, 2016 @20:27
Skuadra e Trepçës ka shënuar fitoren e saj të parë në një ndeshje derbi të Superligës për këtë stinor.
Mitrovicasit kanë dominuar tërësisht në përballjen e sontme ndaj Bashkimit, të cilin e mposhtën me rezultat të thellë 81-48.
Bashkimi vetëm gjatë çerekut të parë ishte paksa më rivalizues, ndërsa gjatë gjithë ndeshjes kishte vetëm dy herë rastin ta ketë epërsinë në rezultat, 7-8 dhe 9-10.
Më pas Trepça sidomos me anë të mbrojtjes së fortë, arriti ta ndal Bashkimin dhe të shkëputet në rezultat, për të krijuar madje epërsi të thellë deri në mbi 30 pikë.
Katër basketbollistë të Trepçës shënuan pikë dyshifrore, ndërsa më së shumti pikë shënoi organizatori amerikan, Jeremy Wise, me 16 pikë.
Në anën tjetër, për Bashkimin u dallua Kayel Locke që shënoi 25 pikë, derisa u vërejt mungesa e Kejuan Johnsonit dhe qendrës Ermin Jazvin, të cilët nuk luajtën në këtë ndeshje për arsye ende të panjohura.
Vlen të ceket se për Trepçën në këtë ndeshje për herë të parë debutoi edhe përforcimi i ri, amerikani Laron Griffin.
Kjo është humbja e dytë për Bashkimin dhe më e thella për të në Superligë, ndërsa për Trepçën ishte fitorja e parë me vlerë në Superligë, pasi që triumfoi ndaj njërës prej rivalëve të saj kryesorë.
TREPÇA
| 1 | Jeremy Wise (30:22) | 16 pikë | 5 kërcime | 4 asistime |
| 2 | Besnik Azemi (21:11) | 14 pikë | 7 kërcime | 2 asistime |
| 3 | Samir Zekiqi (29:23) | 13 pikë | 4 kërcime | 1 asistim |
| 4 | Burim Zekiqi (18:05) | 12 pikë | 1 kërcim | 3 asistime |
| 5 | Montrael Scott (27:38) | 8 pikë | 4 kërcime | 5 asistime |
| 6 | Valdrin Haxhiu (13:19) | 7 pikë | 2 kërcime | - |
| 7 | Agon Selmani (15:04) | 5 pikë | 3 kërcime | 1 asistim |
| 8 | Nikola Ljujic (20:23) | 2 pikë | 5 kërcime | - |
| 9 | Frederic Stutz (4:15) | 2 pikë | 1 kërcim | - |
| 10 | Arian Tahiri (5:26) | 2 pikë | - | - |
| 11 | Leron Griffin (13:02) | 0 pikë | 6 kërcime | 1 asistim |
| 12 | Albelard Rashiti (1:46) | 0 pikë | - | - |
BASHKIMI
| 1 | Kayel Locke (39:35) | 25 pikë | 7 kërcime | - |
| 2 | Eric Palm (40:00) | 13 pikë | 2 asistime | - |
| 3 | Marko Popovic (30:31) | 5 pikë | 6 kërcime | 2 asistime |
| 4 | Mikaile Tmusic (21:20) | 3 pikë | 1 kërcim | 1 asistim |
| 5 | Edmond Kryeziu (17:17) | 2 pikë | 1 kërcim | - |
| 6 | Imer Tahiri (23:46) | 0 pikë | 3 kërcime | 3 asistime |
| 7 | Qëndrim Biraj (19:53) | 0 pikë | 2 kërcime | 1 asistim |
| 8 | Altin Gashi (2:11) | 0 pikë | 2 kërcime | - |
| 9 | Ardit Memçaj (2:11) | 0 pikë | 1 asistim | - |
| 10 | Albion Biraj (3:12) | 0 pikë | - | - |
