Trepça’89 mposht lideren, ndezë zjarrin për Superligë

Në derbin e xhiros XX të Ligës së Parë - Grupi A, Trepça’89 si mysafire ka arritur të mposhtë Drenicën dhe me këtë, ka ndezur zjarrin për Superligë, kur kanë mbetur edhe shtatë xhiro deri në fund të stinorit!

Fitorja e mitrovicasve të drejtuar nga Shpëtim Idrizi ka bërë që të ngushtohet epërsia e lideres, Drenica, ndaj të tjerëve që po kërkojnë elitën e futbollit të Kosovës, veçanërisht vendin e parë që siguron biletën direkte për Superligë.

TABELA AKTUALE

Sa i përket lojës, Trepça’89 me golat e shënuar për pjesë ka shënuar fitore në “Bajram Aliu”, Drenica - Trepça’89 0-2 [Godswill Chinwendu 13’, Ardian Hasani 80’]. Nigeriani Chinwendu ka qenë protagonist kryesor në duel, duke shënuar të parin dhe asistuar në të dytin për fitore.

E tash, Drenica lidere ka 41 pikë nga 20 ndeshje, ndërsa Trepça’89 me 37 sosh kalon në pozitë të dytë dhe mbanë hapur garën për Superligë (pozita e parë) dhe barazh për Superligë (pozita e dytë).