EKSKLUZIVE
United Basketball në Ligën e Parë, paguan ‘Wild Card’-in
23 September, 2016 @17:57
Skuadra e re nga Gjilani, United Basketball, këtë edicion të garave do të luajë në Ligën e Parë.
Më parë, Federata e Basketbollit e Kosovës e kishte caktuar skuadrën United Basketball të garojë në Ligën e Dytë, të sapo formuar sivjet, por gjilanasit sot me anë të ‘Wild Card’it, kanë siguruar të jenë pjesë e Ligës së Parë.
Për ‘Wild Card’, skuadra United Basketball ka paguar shumën e kërkuar prej 1000 eurove sot në mëngjes, mësohet nga burimet e Borozani.com.
Skuadra United Basketball është e përbërë nga basketbollistë të ri dhe ish-basketbollistë të skuadrës tjetër nga Gjilani, Drita.
Natyrisht, duhet pritur vendimi i Bordit të FBK-së për pjesëmarrjen e këtij ekipi, por edhe nëse ka në ndërkohë edhe ndonjë aplikant tjetër për këtë vend të lirë që e shpalli FBK dje.
Komesari i Garave të FBK-së, shpalli Wild Cardin në vlerë prej 1000 eurove për ekipet që dëshirojnë të marrin pjesë në Ligë të Parë, pasi që KB AS Kastrioti nga Obiliqi, hoqi dorë nga garat.
