UNITED BASKET - VËLLAZNIMI
Vëllaznimi merr lidershipin
26 January, 2019 @19:24
Së paku sot, Vëllaznimi është lider i ri i Ligës së Parë në basketboll, pasi që me fitore të thellë ndaj United Basketit në Gjilan, ka marrë kryesimin me një ndeshje më shumë të zhvilluar.
Vëllaznimi mposhti United Basketin 55-82, ndërsa dallimi kryesor u bë në çerekun e dytë, kur ekipi i drejtuar nga Shkumbin Kumnova krijoi epërsi 20 pikëshe [9-29].
Në pjesë të dytë United Basket nuk pati fuqi të rikthehet, derisa secilin çerek, qoftë edhe minimalisht Vëllaznimi e përfundonte në epërsi për fitoren me 27 pikë më shumë të shënuara.
I ardhuri nga Prizreni, Edmond Kryeziu ishte më efikasi te Vëllaznimi me 25 pikë të shënuara. Ndërsa u dallua edhe Ardit Memqaj që shënoi 20 pikë e 9 kërcime në këtë fitore.
