GJAKOVË
TOPSPORTI/ Arian Paçarizi
Vëllaznimi në Superligë!
22 May, 2020 @16:03
Skuadra e Vëllaznimit që ishte në vend të parë të Ligës së Parë të Kosovës në basketboll është promovuar në Superligë të Kosovës.
Vendimi u mor sot nga Bordi i FBK-së duke i parë zhvillimet e fundit me pandeminë COVID-19.
‘KB Vëllaznimi, i renditur në vendin e parë në Ligën e Parë, promovohet në një rang më të lartë të garave dhe në edicionin 2020-21 do të bëjë gara në Superligën e Kosovës,” ka bërë të ditur FBK-ja sot.
Vëllaznimi deri sa u ndërpre stinori 2019/20 kishte bilans perfekt në Ligë të Parë, pa asnjë humbje, me 12 fitore nga 12 ndeshje.
Ky është një sukses i madh i djelmoshave të Shkumbin Kumnovës që rikthehen në Superligë pas dy vitesh militimi në Ligë të Parë.
