Veseli kthehet në ekip

Alban Veseli i cili kishte pakënaqësi me trajnerin e ekipit të Sigal Prishtinës, Ceyhun Cabadak, për shkak të minutazhës së vogël në ndeshje - është futur në listën e ekipit për udhëtimin e sotëm drejt Gjevgjelisë, që do të thotë se telenovela ka përfunduar me Happy End. 

Veseli javë më parë ishte dënuar nga Cabadak për shkak të revoltimit të tij dhe ishte lënë jashtë ekipit të Sigal Prishtinës në dy humbjet e tyre ndaj Pejës në Superligë dhe ndaj Craiovës në ligë ballkanike. Albani gjithashtu nuk kishte qenë pjesë e ekipit në fitoren e Sigal Prishtinës ndaj Kastriotit. 

Sidoqoftë, sot ai është gjendur në listën e trajnerit turk për ndeshjen që Sigal Prishtina e zhvillon nesër ndaj Kozuvit në Gjevgjeli që do të thotë se gjithçka ka përfunduar në mënyrën më të mirë ndërmjet Veselit dhe ekipit të tij.