ROCKETS - LAKERS
Foto: nba.com
Viti i Ri, Lakers i vjetër
1 January, 2018 @11:26
Edhe pse për ta caktuar fituesin është dashur që të luhen dy vazhdime, Houston Rockets e mbylli 2017-shin me fitore karshi Lakersit, duke e mposhtur kundërshtarin me rezultat 148-142.
Në vazhdime u dallua Chris Paul, i cili shënoi 15 pikë gjatë vazhdimeve dhe 28 në total. Koshashënuesi më i mirë ishte James Harden me 40 pikë.
Te Lakers më i disponuari për ndeshje ishte Julius Randle me 29 pikë e 15 kërcime.
Houston e regjistroi fitoren e 26 të stinorit, derisa për Lakersin kjo ishte humbja e 6 rresht dhe e 24-ta në total. Lakers aktualisht gjenden në fund të tabelës në Konferencën Perëndimore.
