SHKODRANËT ME SHEF TË RI TË SHTABIT TEKNIK
Foto: KBVllaznia/fb
Vllaznia ndërron trajnerin para ndeshjes ndaj Pejës
6 January, 2020 @16:26
Skuadra e vetme e Shqipërisë që garon këtë stinor në BIBL, Vllaznia e Shkodrës, ka ndërruar trajnerin para ndeshjes së radhës së tyre në këtë ligë që e zhvillojnë ndaj Pejës.
Shkodranët kanë larguar nga shtabi teknik trajnerin Nikolay Gospodinov për ta emëruar Darko Vujacicin në krye të skuadrës.
Në fakt, Vllaznia emëroi kroatin Vladimir Ivankovic, por ai u largua shpejt për në Kroaci për shkak të arsyeve personale. E tash me Vujacicin, që ka marrë drejtimin e skuadrës për herë të dytë (rikthehet te Vllaznia pas vitit 2015, ku i pat bërë kampionë të Shqipërisë), shkodranët presin pejanët në Qazim Dervishi më 14 janar.
