MH PRISHTINA - VUSHTRRIA
Vushtrria mbyll stinorin vjeshtor në pozitën e dytë
10 December, 2021 @19:47
Në ndeshjen e fundit të stinorit vjeshtor, Vushtrria e mposhti Marigona Hill Prishtinën me rezultat 83-88. Borozani.com
Gjatë ndeshjes që të dyja skuadrat arritën epërsinë prej 7 pikëve që ishte më e larta, derisa Vushtrria e rrëmbeu fitoren me lojën e mirë në çerekun e fundit.
Shpat Syla me 24 pikë, 5 kërcime e 5 asistime ishte më i dalluari te Vushtrria, kurse me double-double u dalluan edhe Erlind Uka me 16 pikë e 13 kërcime dhe Albion Imeri me 15 pikë e 11 kërcime.
Te Marigona Hill Prishtina u veçuan Eliot Peci me 28 pikë, 7 kërcime e 4 asistime, Arbnor Haliti me 24 pikë ddhe Genc Zeqiri me 20 pikë.
Vushtrria me 6 fitore e 3 humbje gjendet në pozitën e dytë, kurse MH Prishtina me 2 fitore e 6 humbje në pozitën e parafundit në Ligën e Parë.
