KINGS - WARRIORS
Warriorsat me vështirësi ndaj Kingsave
15 December, 2018 @11:05
Kampioni aktual i NBA-së, Golden State Warriors, me vështirësi e mposhti Sacramento Kingsin me rezultat 125-130.
Rezultati në minutat e fundit ishte i ngushtë, por në fund u tregua më e kujdesshme skuadra e trajnerit Steve Kerr, për ta regjistruar fitoren e radhës.
Stephen Curry me 35 pikë, 7 kërcime e 6 asistime dhe Kevin Durant me 33 pikë, 8 kërcime e 8 asistime ishin më të dalluarit te Warriorsat, derisa te Sacramento u veçua Buddy Hield me 27 pikë.
Golden State Warriors me këtë fitore u bë skuadra e dytë pas Torontos me 20 fitore dhe gjendet në pozitën e dytë në Perëndim, kurse Sacramento ka bilanc prej 15 fitoreve e 13 humbjeve.
