ROCKETS - LAKERS
FOTO / nba
50 pikët e Hardenit për fitore ndaj Lakersave
14 December, 2018 @10:08
Me performancën fenomenale të James Hardenit, Houston Rockets arriti ta mposht Los Angeles Lakersin me rezultat 126-111.
Ndeshja ishte e barabartë deri në çerekun e fundit të ndeshjes, por Houston në fund e kërkoi fitoren më shumë përmes Hardenit dhe kështu e ndali serinë e fitoreve të Lakersit.
James Harden ishte i pakapshëm në parket. Ai luajti me shifrat magjike triple-double prej 50 pikëve, 11 asistimeve dhe 10 kërcimeve, derisa te Lakersi si zakonisht më i dalluari ishte LeBron James me 29 pikë, 5 kërcime e 4 asistime.
Kjo ishte fitorja e 13 e Houstonit krahas 14 humbjeve që i kanë, ndërsa Lakers ka bilanc prej 17 fitoreve e 11 humbjeve deri më tani.
