LIPJANI - RAHOVECI
Lipjani - Rahoveci e hapin xhiron e XIV në Superligë
15 December, 2018 @10:43
Xhiroja e fundit e stinorit vjeshtor në Superligë, do të hapet me ndeshjen Lipjani - Rahoveci.
Lipjani në xhiron e kaluar pësoi nga Ylli, derisa Rahoveci nuk luajti ndeshjen e xhiros XIII kundër Prishtinës, ngase nënkampioni i Kosovës e kishte ndeshjen me Wurzburgun në kuadër të FIBA Europe Cup, ndërsa vreshtarët ndeshjen e mbetur me Prishtinën do ta zhvillojnë të hënën.
Lipjani aktualisht gjendet në fund të tabelës me 2 fitore e 11 humbje, kurse Rahoveci me 8 fitore e 4 humbje gjendet në pozitën e katërt.
Ndeshja ndërmjet Lipjanit dhe Rahovecit do të fillojë në ora 17:00.
