Williams, plotëson Besën

Besa po bëhet gati fuqishëm për fundjavën që vjen. Pas regjistrimit të alo qendrës amerikane Gerald Warrick, ekipi debutues në Superligë ka paraqitur për regjistrim në Federatën e Basketbollit të Kosovës edhe qendrën britanike Morakinyo Williams. 

Williams i cili së fundi ka luajtur për Plymouthin në ligën e parë britanike të basketbollit është 213 centimetra i gjatë dhe më parë ka luajtur për ekipe si Manchester Giants dhe Mersey Tigers. 

Me kompletimin e dokumentacionit dhe pagesave të nevojshme për regjistrimin e lojtarit britanik, Besa do të ketë të drejtë ta ketë atë në formacion që nga fundjava për duel me Trepçën.