YLLI - GOGA BASKET
Ylli e Goga Basket kërkojnë finalen historike
13 April, 2021 @10:59
Gjysmëfinalja e dytë në Ligën Unike do të luhet sot në mes të Yllit dhe Goga Basketit nga ora 19:00.
Që të dyja skuadrat do të luftojnë për t’u kualifikuar në finalen historike, pasi që po mbahet edicioni i parë i Ligës Unike.
Ylli në gjysmëfinale erdhi duke e eliminuar Prishtinën në çerekfinale me rezultat 70-87, ndërsa Goga Basket e eliminoi Tiranën me rezultat 76-67.
Fituesi në këtë duel kualifikohet në finale dhe luan me fituesin nga dueli Rahoveci - Peja, kurse humbësi luan ndeshjen për vendin e tretë.
Ndeshjet gjysmëfinale, për vendin e tretë dhe finalja do të luhet në palestrën “Dhimitraq Goga” në Durrës.
