Vushtrria ngritet në renditje me fitore minimale

Ka mjaftuar një goditje e devijuar për tu shënuar autogoli i nevojshëm për të siguruar tre pikë! Vushtrria e Armend Dallkut ka dalë triumfuese ndaj Flamurtarit të Erdin Hashanit në “Xhemajl Ibishi”, ndërsa falë edhe mosfitores së Dinamos në përballje ndaj Kikës, Vushtrria ka dalë në pozitë të dytë të tabelës.

TABELA AKTUALE

Flamurtari - Vushtrria 0-1 [60’ ag.] ka qenë rezultati përfundimtar i ndeshjes, ndërkaq Vushtrria si ndjekëse e parë e lideres Prishtina e Re tash ka 27 pikë nga 13 ndeshje. Liderja është pesë pikë mbi ta. Në anën tjetër Flamurtari përkundër se shënoi një këndellje me ardhjen e trajnerit të ri në ekip, ende i duhen shumë pikë për të dalë nga fundi i tabelës, pasi që janë të dhjetit me 8 pikë nga 13 ndeshje.