Astrit Berisha vazhdon me gola, Prishtina e Re me fitore

Goli i 14-të sezonal për Astrit Berishën, ndërsa fitorja e dhjetë për Prishtinën e Re ka ardhur sot në “Ekrem Grajqevci” të Fushë Kosovës, ku mysafirët kanë triumfuar falë dominimit në pjesën më të madhe të ndeshjes.

Prishtina e Re doli triumfuese në këtë përballje, ndërsa djelmoshat e drejtuar nga Elon Berisha kanë bërë distancën pesë pikë ndaj ndjekësit të parë, që prej sot është Vushtrria, pasi që fituan ndaj “pampurave”: Fushë Kosova - Prishtina e Re 1-2 [n.n. 80’ - Astrit Berisha 61’, Labinot Jetullahu 65’].

Berisha shënoi me kokë pas një krosimi nga e majta, ndërsa Jetullahu me përvojë direkt nga gjuajtja e lirë. Në të dyja rastet portieri i vendasve nuk reagoi si duhet. Mjaftoi kaq, ndërsa rastet vazhduan për mysafirët që qëlluan edhe shtyllën pos mundësive tjera që patën.

TABELA AKTUALE

Fushë Kosova arriti të shënojë për të ulë epërsinë e mysafirëve, por “takati” i tyre për të bërë më shumë me kaq mbaroi. Krejt në fillim të ndeshjes ata patën një rast të mirë, por King ëireko s’arriti ta kalojë portierin e mysafirëve.

Fitorja, bën që Prishtina e Re si lidere e Ligë së Parë - Grupi B të ketë 32 pikë nga 13 ndeshje, 5 më shumë sesa ndjekësi i parë, ndërkaq Fushë Kosova e teta në renditje mbyllë xhiron me 11 pikë nga 13 ndeshje, derisa ekipi i Emin Bajramit duhet të kërkojë pikë tjetërkund për tu larguar nga vija e shpëtimit.