GOGA BASKET - YLLI
Ylli kualifikohet, finalja kosovare në Ligën Unike
13 April, 2021 @21:03
Skuadra e Yllit, duke e mposhtur Goga Basketin me rezultat 74-86, u kualifikua në finalen e Ligës Unike.
Goga Basket në 3 çerekët e parë e kishte epërsinë, kurse Ylli ishte fantastik sidomos në mbrojtje në 10 minutëshin e fundit.
Skuadra suharekase pësoi vetëm 9 pikë dhe shënoi 23 në çerekun e katër për ta mposhtur kundërshtarin.
Gjashtë lojtarë luajtën me pikë dyshifrore te Ylli, pret tyre u dalluan LG Gill me 19 pikë, Elyjah Clark me 18 pikë dhe Gëzim Morina me double-double prej 12 pikëve e 11 kërcimeve.
Te Goga Basket u veçuan Milic Blagojevic me 26 pikë dhe me double-double prej 11 pikëve e 14 kërcimeve Endrit Hysenagolli.
Ylli në finale do të takohet me Pejën nesër, kurse Goga Basket do të përballet me Rahovecin për vendin e tretë.
