Ylli me fanella të reja ndaj Trepçës

Ndeshja e nesërme ndërmjet Golden Eagle Yllit dhe Trepçës, që do të jetë njëkohësisht edhe ndeshja përmbyllëse e xhiros së tretë në Superligë, do të ketë një risi nga ekipi suharekas.

Ylli në këtë përballje do t’i ketë të veshura fanellat e reja, që shpreson t’i jep fat kundër mitrovicasve.

Në ndeshjen e kaluar, që ishte në kuadër të xhiros së parë kundër Bashkimit në Suharekë, Ylli ishte paraqitur me fanella jozyrtare, që ishin me ngjyrë të gjelbërt, me ç‘rast klubi ishte dënuar me gjobë prej 50 eurove për shkak se nuk e kishte logon e FBK-së në fanellë.

Ndeshja ndërmjet Trepcës dhe Yllit zhvillohet nesër nga ora 14:00 në palestrën Adem Jashari në Obiliq.