NË PRISHTINË
Banka e Yllit/ BOROZANI/ D.S.
Ylli mposht vështirë Kerasanin
10 April, 2016 @15:01
Pesë minuta para fundit të ndeshjes, Kerasan Prishtina, futi të dridhurat te ekipi i Yllit, kur uli epërsinë në vetëm 3 pikë, 67-70, pas shënimit të G. Gashit. Mirëpo, basketbollistët me përvojë të Yllit u këndellën shpejtë dhe në minutën tjetër të ndeshjes, rreshtuan pikët për të krijuar distancë 9 pikëshe dhe për t’i dhënë ndeshjes fund të rehatshëm.
Kjo ka qenë ndeshja e fundit për Kerasan Prishtinën debutuese në Superligë, e stinorit të rregullt, ndërsa ekipi i Dustin Karrer ka shënuar një fitore të vetme gjatë gjithë stinorit.
Ylli në anën tjetër, që do të përfundojë stinorin xhiron e radhës në ndeshje ndaj kampionit aktual, Sigal Prishtinës, falë Urim Zenelajt në formë të jashtëzakonshme ka shënuar fitore sot.
Qendra Zenelaj ka shënuar double-doublein e radhës, kësaj radhe me 28 pikë e 23 kërcime, duke qenë për 39 minuta në lojë. Nga 39 minuta në ndeshje kanë qenë edhe Erris Nushi, që ka shënuar 12, si dhe Altin Morina, që shënoi 26 pikë e 7 asistime gjatë ndeshjes.
Te Kerasani në ndeshjen përshëndetëse, më efikasët kanë qenë Genc Gashi me 15, Ardit Beqiri me 14, sa shënoi edhe Rinor Ahmeti.
Pas kësaj përballjeje Ylli ka bilanc 10-13, një xhiro para fundit të stinorit, ndërsa Kerasani përfundoi stinorin debutues në Superligë me bilanc 1-23.
Statistikat ekipore
| Kerasan Prishtina | Ylli | ||
| Çereku i parë | 17 | 23 | |
| Çereku i dytë | 21 | 18 | |
| Çereku i tretë | 23 | 27 | |
| Çereku i katërt | 15 | 15 | |
| Kërcime | 31 | 51 | |
| Asistime | 14 | 16 | |
| Bllokada | 1 | 6 | |
| Topa të vjedhur | 12 | 6 | |
| Topa të humbur | 12 | 19 | |
| Tentime për tre pikë | 9/26 | 6/19 | |
| Tentime nga loja | 31/72 | 31/74 | |
| Tentime nga gjuajtjet e lira | 5/10 | 15/24 |
Statistikat individuale te Kerasan Prishtina
| 1 | Genc Gashi | 15 pikë | 5 topa të vjedhura | 3 kërcime |
| 2 | Ardit Beqiri | 14 pikë | 5 kërcime | 4 asistime |
| 3 | Rinor Ahmeti | 14 pikë | 5 kërcime | 2 asistime |
| 4 | Kreshnik Muçolli | 10 pikë | - | - |
| 5 | Muhamedali Janjeva | 8 pikë | 8 kërcime | - |
| 6 | Ermir Gashi | 7 pikë | 2 kërcime | 1 asistim |
| 7 | Kujtim Sadiku | 6 pikë | 4 kërcime | 4 asistime |
| 8 | Dardan Kapiti | 2 pikë | 4 kërcime | 1 bllokadë |
Statistikat individuale te Ylli
| 1 | Urim Zenelaj | 28 pikë | 23 pikë | 5 bllokada |
| 2 | Altin Morina | 26 pikë | 7 asistime | 5 topa të vjedhura |
| 3 | Erris Nushi | 12 pikë | 3 asistime | 2 kërcime |
| 4 | Egzon Fetiu | 10 pikë | 11 kërcime | 2 asistime |
| 5 | Egzon Berisha | 4 pikë | 5 kërcime | - |
| 6 | Egzon Kuqi | 3 pikë | 6 kërcime | 2 asistime |
| 7 | Etnik Asllanaj | 0 pikë | 1 kërcim |
