PARA SIGURIMIT
Dirk Nowitzki 37 vjeç, koshashënuesi më i mirë i Dallas Mavericksit sot/ REUTERS/Arkiv
Dallas në shpresa, Nowitzki s’gabon
9 April, 2016 @8:26
Vetëm 2-3 ndeshje pa përfunduar stinori i rregullt në NBA, Dallas Mavericks, ka arritur të shënojë fitore tepër të rëndësishme ndaj Memphis Grizzlies sot, për t’ia shtuar vetes gjasat shumë për Play-Off.
Dirk Nowitzki morri përgjegjësinë për pikë në këtë ndeshje duke shënuar 21 pikë për ekipin e tij, ndërsa Justin Anderson kreu takimin me double-double prej 19 pikë e 10 kërcime për fitore me 10 pikë dallim.
Te Grizzlies, 25 pikët e Tony Allenit shkuan kot, derisa ekipi u mposht. Kurse Allen ishte vetëkritik pas ndeshjes.
“Sigurimi i Play-Offit gjatë javës së kaluar po na kushton shumë, pasi që ka ndërruar ritmi i lojës tash,” ka thënë ai.
Sidoqoftë, dallimi në këtë ndeshje u bë nga banka rezervë. Banka e Dallasit shënoi 46 pikë gjatë ndeshje, ndërsa ajo e Memphisit 30.
Dallas Mavericks me 41-38 tashmë ka siguruar Play-Offin, ashtu si edhe rivali i sotëm, Memphis Grizzlies me 42-37.
