PISTONS CELEBRATION
Sigurohet Play-Offi i parë pas vitit 2009
9 April, 2016 @8:16
Reggie Jackson dhe Aron Baynes i kanë dhënë shtytjen e fundit ekipit të tyre për t’ia siguruar Play-Offin e këtij stinori.
Jackson shënoi 39 pikë e 9 asistime, ndërsa Baynes ka shënuar 8 gjuajtje të lira në çerekun e fundit ashtu që ekipi i tij të dalë fitues në përballje ndaj Washingtonit 112-99 dhe të sigurojë vazhdimin e stinorit.
“E kemi trajnerin e madh. Në dy vitet e fundit ai e ka shoshitur krejt klubin për të mirë dhe tashmë bashkë jemi në festë,” ka thënë Jackson pas ndeshjes për trajnerin Steve Van Gundy.
Gëzimi i madh te pistonët ka qenë pas ndeshjes, pasi që pas kësaj fitoreje ata siguruan Play-Offin e parë për ekipin që nga stinori 2008/09.
Dy-tre ndeshje pa përfunduar stinori i rregullt në NBA, Detroit ka vendin e shtatë në Konferencën Lindore me bilanc 43-37 dhe është i sigurt në fazën e radhës të këtij stinori.
Ndërsa magjistarët, te të cilët Markieff Morris shënoi 29 pikë sonte, kanë humbur gjasat për Play-Off një javë më parë dhe tash kanë bilanc 38-41.
