Ylli ‘ndriçon’ në fund, arrin Final Four-in

Një ndeshje mjaft interesante u zhvillua sonte mes Yllit nikoqir dhe Boreas në kuadër të Final 8 të Kupës së Kosovës në basketboll.

Të dyja skuadrat zhvilluan paraqitje mjaft të mira, ndërsa diferenca në rezultat u bë në çerekun e fundit, me vendasit që falë përvojës më të madhe dhe disa individëve të caktuar arritën të ishin më të përqëndruar dhe e mbyllën duelin me fitore 106-96.

SKEMA E KUPËS

Më të dalluarit në këtë fitore të Yllit sonte ishin Michael Harmon me 35 pikë, 6 asistime, 2 vjedhje të topit e 1 kërcim dhe Marvin Smith me 26 pikë, 9 kërcime, 4 bllokada e 3 asistime, kurse te mysafirët nga Peja u veçua CJ Carter me 20 pikë, 9 asistime, 5 kërcime e 1 vjedhje të topit.

Pas Rahovecit, Ylli është skuadra e dytë që arrin Final Four-in sivjet, ndërsa dy skuadrat e tjera gjysmëfinaliste do të kuptohen nesër mbrëma.