FINAL 8 - GAME 1
Sonte: Rahoveci - Kerasan Prishtina
28 February, 2018 @10:04
Me fillim prej orës 17:15 sot në palestrën “13 qershori” të Suharekës, nis faza finale e Kupës së Kosovës, Final 8.
Dueli i parë zhvillohet mes Rahovecit dhe Kerasan Prishtinës. Asnjëra nga skuadrat më parë nuk ka arritur gjysmëfinalen e Kupës në histori.
Këtë, njëra skuadër do ta arrijë sonte.
DUELET NË SUPERLIGË
Sa i përket dueleve të skuadrave në Superligë këtë stinor, Kerasan ka shënuar një fitore si mysafir ndaj Rahovecit, ndërsa Rahoveci ka mposhtur dy herë Kerasanin.
DEKLARATAT:
Në konferencë për shtyp para Final 8, Muhamed Hasani, lojtar i Rahovecit tha:
“Ne jemi përgatitur shumë për duelin me Kerasan Prishtinën dhe premtojmë se do ta japim maksimumin për të arritur deri te rezultati pozitiv. Ekipi ynë e ka bërë të qartë qysh në fillim se ne synojmë ta fitojmë Kupën, dhe besojmë se kemi kualitet të mjaftueshëm për ta realizuar këtë qëllim”.
SHIKO: SKEMA E KUPËS
Ndërsa Kujtim Sadiku i Kerasanit deklaroi se:
“Për skuadrën tonë të re është vërtetë kënaqësi të jemi pjesë e një eventi kaq të rëndësishëm siç është Final 8. Ne do të bëjmë përpjekje maksimale për të treguar lojë sa më të mirë”.
