Kosova fton zyrtarisht Edon Maxhunin

Përmes burimeve të Borozani.com, është bërë e ditur që Edon Maxhuni gjatë mëngjesit të sotëm ka pranuar ftesë zyrtare nga Përfaqësuesja e Kosovës në basketboll.

Maxhuni, që ka nënshtetësi finlandeze dhe që ka qenë pjesë e skuadrave zinxhirë të përfaqësueses skandinave, ende nuk ka vendosur nëse do të vazhdojë me Finlandën apo Kosovën në nivel nacional, kjo për faktin që ende nuk kishte pranuar ftesë zyrtare nga përfaqësuesja e Kosovës, ndërsa pas pranimit të ftesës zyrtare sot, lojtarit i është dhënë kohë që të mendohet para se ta marrë vendimin final.

Edoni është ftuar që t’i bashkohet Kosovës në grumbullimin e përfaqësueses në muajin qershor, ku Kosova do të luajë ndaj Hungarisë e Polonisë në ndeshjet e fundit kualifikuese drejt Botërorit të Kinës.

Momentalisht, fundori me nënshtetësi finlandeze aktivizohet në kolegjin ‘Long Beach State’ në SHBA, ku në vitin e tij të parë po luan si startues i rregullt dhe po zhvillon paraqitje mjaft të mira.