YLLI - BASHKIMI
Ylli s’ndalet, vazhdon ndjekjen e kreut
21 January, 2021 @18:57
Me performancën e mirë në pjesën e dytë, Ylli e mposhti Bashkimin bindshëm me rezultat 96-73.
Pjesa e parë e ndeshjes u mbyllë me një pikë epërsi për skuadrën prizrenase, derisa dallimi u bë në pjesën e dytë të ndesjes.
Ylli në çerekun e tretë e ngriti epërsinë në gjashtë pikë, derisa në çerekun e fundit kontrolli ishte totalisht te skuadra suharekase.
Mitchell Wilbekin me 25 pikë e 6 asistime, ishte më i miri te Ylli, derisa u ndihmua edhe nga Samir Zekiqi me 23 pikë e 7 kërcime.
Te Bashkimi shkëlqeu Endrit Hysenagolli me double-double prej 24 pikëve e 15 kërcimeve.
Ylli e regjistron fitoren e 10 të stinorit krahas 6 humbjeve që i ka, kurse Bashkimi ka bilanc prej 8 fitoreve e 8 humbjeve.
Në xhiron tjetër Ylli do të takohet me Trepçën, kurse Bashkimi e pret Vëllaznimin në Prizren.