600€ gjoba për xhiron XXI

Sigal Prishtina është ekipi që duhet të paguajë 300€ gjobë për shkak të mosdorëzimit të DVD-së së ndeshjes, ka shkruar Informatori i radhës i FBK-së i botuar mbrëmë. 

Kjo e bën Sigal Prishtinën ekipin me gjobë më të madhe të javës, derisa bardhekaltërit por edhe ekipet tjera pjesëmarrëse në Final Four duhet të paguajnë gjobat si mëposhtë para së premtes, ka njoftuar Informatori Nr. 21 i Superligës. 

Sipas lartësisë së dënimit, me radhë vjen Besa që është dënuar me 150€, prej të cilave 100€ janë për paraqitje me 8 lojtarë në ndeshje, ndërsa 50€ tjera për mospasjen e logos së FBK-së në fanella. 

Nga lojtarët, këtë xhiro janë gjobitur Drilon Hajrizi i Pejës dhe Elijah Obade i Bashkimit. Hajrizi për shkak të gabimit teknik të përsëritur me 100€, derisa Obade 50€ - të dy për shkak të sjelljeve josportive, gabim teknik të shqiptuar.