REKORDI PERSONAL I STINORIT
BOROZANI/Erdis Driza/Arkiv
A po kthehet Dardani?!
13 January, 2016 @21:20
Lojtari më i mirë i stinorit të kaluar në Balkan League, Dardan Berisha, që prej kthimit nga Cibona te Sigal Prishtina në asnjë ndeshje nuk ka shënuar më shumë pikë sesa sonte, në kuadër të ndeshjeve të këtij stinori në BIBL.
Berisha sonte ka shënuar rekord pikët personale të stinorit në BIBL duke regjistruar 24 pikë për ekipin bardhekaltër, kampionin aktual të BIBL.
Shenjë e mirë për Sigal Prishtinën kjo në javën kur pritet rikthimi i saj jo vetëm në BIBL, por edhe në Superligë ku është duke e ndjekur Pejën.
Dardan Berisha deri më tani ka qenë pjesë e Sigal Prishtinës në 4 ndeshje nga 5 sa ka zhvilluar kjo në BIBL këtë stinor.
Në fitore ndaj Kozuvit në shtëpi ka shënuar 12, në humbje ndaj Mornarit në shtëpi 8, në humbje ndaj Kozuvit jashtë 15, ndërsa sonte ai i është kthyer shifrave të tija që jemi mësuar nga stinori i kaluar - duke shënuar 24 pikë, prej të cilave 5 treshe nga 9 tentime, e 50% në tentime për dy pikë.
