SHKËLQIMI I VERGE-IT
![Alonzo Verge — MVP i Ylli-Peja (2) Alonzo Verge — MVP i Ylli-Peja (2)](https://topsporti.com/images/uploads/_new_article_sans/438701320_1457449648219341_3487043722580786325_n.jpg)
Alonzo Verge — MVP i Ylli-Peja (2)
24 April, 2024 @23:35
Amerikani Alonzo Verge Jr. ka shënuar sonte rekord pikë në kuadër të këtij stinorit të Superligës, duke dhënë hiç më pak se 52 pikë ndaj Pejës për t’ia sjellë fitoren e dytë ekipit të tij në serinë gjysmëfinale.
Ylli me fitore ndaj Pejës, tash ka epërsinë 2-0 dhe i duhet vetëm edhe një fitore për të siguruar finalen e playoffit të Superligës. E paraqitja e Verge-it sonte ka qenë për mbamendje: 52 pikë, 5 asistime, 9 kërcime për 39.50 minuta lojë, duke shutuar 4/6 për tre pikë dhe 10/12 në gjuajtjet e lira me 62% saktësi për dy pikë.
Ai gjithashtu rrëmbeu tre topa nga lojtarët kundërshtarë sonte, ndërsa u faulua plot 10 herë nga pejanët - që është më së shumti në këtë ndeshje për një lojtar.