Artin Gashi i kthehet basketbollit - te Bashkimi

Bashkimi këtë stinor ka mbledhur shumë lojtarë vendorë në ekip, ndërsa së fundi ka shtuar edhe Artin Gashin, që ka qenë më parë pjesë e ekipit ndërsa ishte larguar nga basketbolli për shkak të një lëndimi.

Ai ka luajtur përgjatë karrierës së tij edhe te Ylli, Rahoveci e Peja, ndërsa për më së shumti kohë ka qenë pjesë e portokallezinjëve.

Artini tash me t’iu kthyer basketbollit pritet t’i ndihmojë ekipit prizrenas për garat e stinorit 2021/22.

“Pas lëndimit që e la për një kohë të gjatë jashtë parketit, Artin Gashi rikthehet duke veshur përsëri fanellën portokall e zi të Bashkimit. Basketbollisti i njohur me karakterin e tij luftarak, tashmë është shëruar plotësisht dhe do të jetë forcë shtesë për ekipin tonë në stinorin e ri,” ka shkruar ndër të tjera në njoftimin e lëshuar nga klubi prizrenas pak më parë.