Bakken shkatërron Steauan

Në duelin tjetër të rivalëve të grupit të Prishtinës në FIBA Europe Cup, Bakken Bears ka shkatërruar Steauan në Risskov duke e mposhtur thellë, 100-64.

Derisa danezët në çdo çerek kanë shënuar mesatarisht 25 pikë, rumunët vetëm një herë kanë arritur të shënojnë mbi 20 pikë për çerek, për të cilët humbja ka qenë e pashmangshme sonte.

Tobin Carberry ka shkëlqyer për danezët sonte, duke përfunduar ndeshjen me 19 pikë, 10 kërcime, 2 asistime e 1 bllokadë, ndërsa performancë tepër të mirë ka pasur edhe Ryan Evans, që ka kryer ndeshjen me 18 pikë, 10 kërcime e 1 asistim.

Te Steaua më i dalluari ka qenë Rodrigo Spencer, që me 21 pikët e tij, 11 kërcime e 2 bllokadat ka qenë i pamjaftueshëm për të ndalë kundështarin eksploziv.

Sot një javë, Prishtina do të jetë mysafire e ekipit rumun në Bukuresht. Derisa danezët udhëtojnë në Ukrainë.