Barazim në derbi!

Nuk është gjetur fituesi në derbin e Ligës së Parë - Grupi B. Përkundër se Vushtrria ishte më insistuese në fitore, ka qenë Prishtina e Re që barazoi shpejtë rezultatin pas epërsisë së vendasve në “Ferki Aliu” për të neutralizuar rezultatin e ndeshjes.

Në vazhdim, në pjesë të dytë nuk kishte gola dhe skuadrat u detyruan të kënaqen me nga një pikë të fituar nga ky duel. Vushtrria kishte arritur epërsinë përmes Edmond Likajt, por qendërsulmuesi në formë i Prishtinës së Re Astrit Berisha barazoi shpejtë për përfundimtaren: Vushtrria - Prishtina e Re 1-1 [Edmond Likaj 25’ - Astrit Berisha 32’]. Me golin e sotëm të asistuar nga Vigan Ademi, Astrit Berisha ka ngritur kuotën e golave të shënuara këtë stinor në 13 sosh në 12 ndeshjet e para të stinorit.

TABELA AKTUALE

Me këtë rezultat Vushtrria del në pozitë të dytë të tabelës sot, ndërsa ka 24 pikë nga 12 ndeshje të luajtura në Ligën e Parë - Grupi B. Ndërkaq Prishtina e Re arrin te kuota e 29 pikëve nga po aq ndeshje.

Në xhiron e radhës, Prishtina e Re është mysafire e Fushë Kosovës, kurse Vushtrria mysafire e Flamurtarit.

FORMACIONET STARTUESE TË EKIPEVE.