BASHKIMI - TEUTA
Bashkimi i vështirëson gjasat për F4
16 January, 2019 @21:12
Nënkampioni i Ligës Ballkanike, Bashkimi, duke u mposhtur nga Teuta me rezultat 83-101, i vështirëson gjasat për t’u kualifikuar në Final Four.
Në çerekun e parë, Bashkimi në shumicën e kohës ishte në epërsi, por në minutat e fundit nuk arriti t’i ndalë sulmet e Teutës, me çerekun e parë që pëfundoi me rezultat 25-26 në favor të Teutës.
Bashkimi në fillim të çerekut të dytë e riktheu epërsinë në radhët e tij, por Teuta me një seri prej 17-0 përsëri kaloi në epërsi dhe këtë e mbajti deri në fund të pjesës së parë, e cila përfundoi me rezultat 46-54.
Epërsia më e madhe e mysafirëve në ndeshje u krijua në çerekun e katërt. Skuadra e trajnerit Miodrag Baletic e ngriti epërsinë deri në 17 pikë, derisa Bashkimi u dorëzua në pesë minutat e fundit të ndeshjes dhe ajo përfundoi me rezultat 83-101 në favor të Teutës.
CJ Willson ishte koshashënuesi më i mirë te Teuta me 23 pikë, 12 asistime e 6 kërcime.
Te Bashkimi ishte i pakapshëm Jordan Capps me 40 pikë, por nuk mjaftoi për fitore performanca e tij.
Teuta me një fitore më shumë është vendosur në krye të tabelës me 6 fitore e 3 humbje, derisa Bashkimi me 1 fitore e 6 humbje gjendet në pozitën e pestë aktualisht.
