PARA NDESHJES: AKADEMIK-BASHKIMI
Bashkimi kryen stërvitjet e fundit para ndeshjes
3 April, 2018 @22:48
Me 13 pikë epërsi nga ndeshja e parë e fituar në Prizren, Bashkimi ka kryer sonte edhe stërvitjet e fundit në Plovdiv të Bullgarisë, një natë para ndeshjes ndaj Akademik Bultexit.
Prizrenasit janë akomoduar dhe kanë kryer përgatitjet e nevojshme para ndeshjes vendimtare për ekipin, për të arritur Final Fourin e parë të BIBL në histori të klubit.
Me fillim nga ora 17:30 me kohën tonë lokale, Akademik Bultex pret Bashkimin në Kolodruma të Plovdivit, ndërsa portokallezinjtë nga Prizreni kanë hapësirë që të mposhten deri në 12 pikë epërsi nesër mbrëma dhe të sigurojnë Final Fourin.
