DUELI I RADHËS
Bashkimi mysafir në Gjevgjeli
18 December, 2018 @13:38
Basketbollistët e Bashkimit të Prizrenit kanë marrë rrugë për Gjevgjeli, ku në kuadër të Ligës Ballkanike do të ndeshen me ekipin maqedon, Blokotehna.
Ekipi prizrenas ka bilanc negativ në BIBL aktualisht, 1-3 dhe do të shikojë mundësinë që sonte të përmirësojë atë, pasi që duket se me kohë po këndellen.
Në anën tjetër, Blokotehna është e pamposhtur. Ekipi ka arritur dy fitore nga dy ndeshjet e zhvilluara deri tash në BIBL dhe dëshiron të vazhdojë bilancin perfekt.
Dueli Blokotehna-Bashkimi luhet sonte prej orës 18:30 në Gjevgjeli në palestrën NB Noel të qytetit më jugor të Maqedonisë.
