Bashkimi rikthen Dawsonin, shton edhe Streeterin

Skuadra e Bashkimit ka larguar dy dhe ka përforcuar ekipin me dy të huaj. 

Bashkimi, ka rikthyer në skuadër ish qendrën amerikane, Mark Dawson, ndërsa ka siguruar edhe shërbimet e Jacques Jermaine Streeter për javët në vazhdim të Superligës. 

Streeter është playmaker. Ai është 183 centimetra i gjatë dhe ka bërë karrierë në Turqi, derisa së fundi ka qenë pjesë e ekipit qipriot Etha. 

Të pakënaqur nga ato që treguan Tray Woodal dhe Elijah Obade, drejtuesit e ekipit prizrenas i kanë dhënë fund marrëveshjes me lojtarët në fjalë dhe tashmë për xhiron që vjen llogarisin në përforcimet e reja, derisa ky i pari i përmendur, është shumë i njohur për publikun prizrenas, pasi që ka qenë pjesë e ekipit edhe më parë. 

Dyshen në fjalë Bashkimi e ka regjistruar sot në Federatë të Basketobllit të Kosovës, duke i ç‘regjistruar lojtarët e deritashëm Obade dhe Woodall. 

Me këtë, prizrenasit do të mund të llogarisin në shërbimet e Dawson-Streeter që në ndeshjen e ardhshme ndaj Yllit të Suharekës.