BASHKIMI - TREPÇA
Bashkimi vazhdon i pamposhtur, e fiton edhe Trepçën
3 November, 2016 @21:50
Skuadra e Bashkimit ka vazhduar rrugëtimin e saj pa humbje në Superligë.
Portokallezinjtë kësaj radhe triumfuan në ndeshjen kryesore të xhiros së pestë në Superligë, duke e mposhtur Trepçën me rezultat 63-51.
Në tre çerekët e parë rezultati ishte kryesisht i afërt, ndërsa vetëm në çerekun e katërt Bashkimi arriti të krijojë epërsinë deri në dyshifrore për mos ta rrezikuar fitoren në fund.
Kejuan Johnson edhe në këtë ndeshje ishte më i dalluari për Bashkimin, duke shënuar 25 pikë, 12 prej tyre gjatë çerekut të katërt, derisa te Trepça më i dalluari ishte malaziasi Nikola Ljujic, që e përfundoi takimin me 17 pikë të shënuara.
Për Bashkimin në këtë ndeshje debutoi edhe qendra boshnjake, Ermin Jazvin, ndërsa përforcimi tjetër i ri i prizrenasve, Eric Palm, nuk ishte fare në formacion.
Ndeshja u zhvillua pa programin e statistikave për shkak të disa problemeve teknike, me ç‘rast pritet të pasojë dënimi nga FBK-ja për ekipin nikoqir.
Me këtë fitore Bashkimi ngjitet në krye të radhitjes tabelare me 5 fitore dhe asnjë humbje, ndërsa për Trepçën kjo është humbja e dytë në këtë edicion.
Javën e ardhshme Bashkimi do të jetë mysafir i Rahovecit, derisa Trepça e pret në shtëpi Sigal Prishtinën.
Rezultati sipas çerekëve
| BASHKIMI | TREPÇA | ||
| Çereku i parë | 21 | 17 | |
| Çereku i dytë | 11 | 11 | |
| Çereku i tretë | 11 | 12 | |
| Çereku i katërt | 20 | 11 |
BASHKIMI
| 1 | Kejuan Johnson (34:09) | 25 pikë | 6 kërcime | 4 asistime |
| 2 | Mikaile Tmusic (33:15) | 10 pikë | 4 kërcime | - |
| 3 | Ermin Jazvin (19:48) | 9 pikë | 6 kërcime | - |
| 4 | Kayel Locke (25:13) | 6 pikë | 4 kërcime | 2 asistime |
| 5 | Qëndrim Biraj (10:43) | 5 pikë | 3 kërcime | - |
| 6 | Edmond Kryeziu (21:23) | 3 pikë | 2 kërcime | 2 asistime |
| 7 | Marko Popovic (31:13) | 3 pikë | 1 kërcim | 2 asistime |
| 8 | Imer Tahiri (23:57) | 2 pikë | 2 kërcime | 3 asistime |
| 9 | Altin Gashi (0:20) | 0 pikë | - | - |
| 10 | Ardit Memçaj | - | - | - |
| 11 | Albion Biraj | - | - | - |
TREPÇA
| 1 | Nikola Ljujic (25:58) | 17 pikë | 8 kërcime | 2 asistime |
| 2 | Mise Diminic (16:30) | 11 pikë | 4 kërcime | - |
| 3 | Samir Zekiqi (10:09) | 9 pikë | 1 kërcim | - |
| 4 | Valdrin Haxhiu (28:42) | 5 pikë | 2 asistime | - |
| 5 | Eric Stutz (20:56) | 4 pikë | 2 kërcime | 1 asistim |
| 6 | Agon Selmani (12:01) | 2 pikë | 2 kërcime | - |
| 7 | Montrael Scott (25:26) | 2 pikë | 4 kërcime | 1 asistim |
| 8 | Jeremy Wise (29:10) | 1 pikë | 3 kërcime | 3 asistime |
| 9 | Arian Mehmeti (12:42) | 0 pikë | 1 kërcim | 1 bllokadë |
| 10 | Albelard Rashiti (11:54) | 0 pikë | 1 kërcim | - |
| 11 | Burim Zekiqi (4:00) | 0 pikë | - | - |
| 12 | Arian Tahiri (2:32) | 0 pikë | - | - |
