BASHKIMI - VËLLAZNIMI
Bashkimi “zgjohet” në çerekun e katërt, vazhdojnë humbjet te Vëllaznimi
24 January, 2021 @20:57
Skuadra e Bashkimit, me performancën në çerekun e katërt, mposhti Vëllaznimin me rezultat 79-67.
Vëllaznimi në tre çerekët e parë e mbante epërsinë, por në çerekun e katërt, Bashkimi duke shënuar 25 pikë dhe pësuar vetëm 8 pikë, triumfoi ndaj kundërshtarit.
Sean Hoehn ishte koshashënuesi më i mirë me 25 pikë te Bashkimi, derisa u dallua edhe Endrit Hysenagolli me double-double prej 20 pikëve e 17 kërcimeve.
Te Vëllaznimi përforcimet e reja të skuadrës ishin më të mirët. Emmanuel Omogbo luajti me 24 pikë e 12 kërcime, kurse Deondre Ray me 17 pikë e 7 kërcime.
Bashkimi e ndërpreu serinë prej 2 humbje rresht, kurse Vëllaznimi serinë negative e ngriti në gjashtë ndeshje.
Bashkimi me 9 fitore e 8 humbje gjendet në pozitën e pestë, kurse Vëllaznimi ka bilanc prej 4 fitoreve e 13 humbjeve.
Vlen të përmendet që Bashkimi sonte luajti pa Julian Hamatin, kurse Vëllaznimi pa Arion Ballukun, si dhe dy amerikanët Hortman e Jackson, të cilet nuk dihet ende se a janë larguar nga klubi apo jo.
Në xhiron tjetër Bashkimi takohet me Pejën, derisa Vëllaznimi e pret Trepçën.