PARA NDESHJES, ZYRTARIZIMI
Emmnauel Omogbo transfer tjetër i Vëllaznimit që debuton
24 January, 2021 @16:56
Vëllaznimi do të debutojë me dy lojtarë të ri sonte ndaj Bashkimit. Pas amerikanit Deondre Ray, Vëllaznimi ka zyrtarizuar edhe ish-reprezentuesin nigerian që ka edhe pasaportë amerikane, Emmanuel Omogbo.
Omogbo, që ka përvojë nga ligat e forta evropiane së fundi ka qenë pjesë e ekipit Huesca të Spanjës.
Alo-qendra 203 centimetërshe do të debutojë sonte në Sezai Surroi të Prizrenit me fanellën kuqezi, ndërsa 25-vjeçari përgjatë karrierës së tij ka luajtur te ekipet Victoria Libertas Pesaro, Pieno Zvaigzdes, Ironi Kiryat Ata, Biella dhe së fundi Penas Huesca.
Te Huesca në pjesën e fundit të stinorit ai ka zhvilluar 8 ndeshje në ligën LEB Gold, duke pasur mesatare prej 7.9 pikëve për ndeshje, 3.9 kërcimeve dhe 0.8 asistimeve në afro 18 minuta si mesatare që ka pasur për ndeshje.