BASHKIMI
Një kroat në krye të Bashkimit
6 March, 2021 @16:01
Pasi që sot ndanë rrugët me trajnerin Illmen Bajra, klubi i Bashkimit ka zyrtarizuar para pak çastesh edhe trajnerin e ri të skuadrës. Borozani.com
Kroati Franko Sterle është kryetrajner i ri i skuadrës së prizrenasve, të cilët do të duhet të luftojnë shumë për të siguruar mbijetesën në Superligë - në sezonin më luftarak të elitës së basketbollit të Kosovës.
“Klubi ynë ka arritur marrëveshje me trajnerin e ri kroat, Franko Sterle, i cili do ta udhëheq skuadrën tonë për pjesën e mbetur të kampionatit,” ka bërë të ditur KB Bashkimi në njoftimin e lëshuar para pak çastesh.
Sterle deri tash ka punuar si ndihmës-trajner i ekipit kroat Zara, që është lider i kampionatit dhe drejtohet nga kryetrajneri Veljko Mrsic.
Sterle është trajner i ri 32-vjeçar dhe kjo do të jetë përvoja e tij e parë jashtë vendit.
