Befasohet kampionia, Mornar pa humbje

Sigal Prishtina ka përjetuar humbjen e parë në kuadër të BIBL, prej se u shpallë kampione. Përkundër se ia nisi mirë ndeshjes, në dy çerekët e fundit, ekipi nga Mali i Zi, Mornar, ka pasur një paraqitje të hatashme në mbrojtje duke mos lënë bardhekaltërit që të shënojnë më shumë se 20 pikë në 20 minutat e fundit të ndeshjes dhe kanë arritur te fitorja e tyre, e tretë me radhë. 

Mornar është aktualisht ekipi i vetëm pa humbje në BIBL këtë stinor, derisa Sigal Prishtina ka përjetuar humbjen e parë në këtë garë këtë stinor pas dy fitoreve të para. 

Amerikani Austin Chatman ka qenë lojtari më efikas te ekipi nga Tivari, duke shënuar 19 pikë dhe 5 asistime në fitoren e skuadrës së tij. 

Atij i kanë ndihmuar edhe Balsa Radunovic dhe Marko Mijovic me nga 11 pikë të shënuara në fitoren e madhe për malaziasit e drejtuar nga Djordje Pavicevic sonte. 

TABELA AKTUALE E BIBL

Te ekipi bardhekaltër Mohamed Abukar ka qenë përsëri lojtari më efikas, duke shënuar 22 pikë dhe 2 asistime. Por, ndihma për Abukarin ka qenë e mangët në këtë ndeshje nga bashkëlojtarët të cilët si duket kanë qenë të lodhur nga përballja me Energian dy ditë më parë dhe paksa kanë nënçmuar Mornarin sonte. 

Asnjë lojtar tjetër i Prishtinës nuk ka shënuar pikë dyshifrore sonte, derisa Stanimir Marinov u ndalë në 9, e Dardan Berisha dhe Khalid El Amin në 8 pikë të shënuara. 

Mornar tashmë qartazi është i pari në Grupin A me bilanc 3-0 pas tre ndeshjeve të para të grupit, derisa Sigal Prishtina mbetet e dyta me bilanc 2-1 pas tre ndeshjeve të para. 

Statistikat ekipore

	Sigal Prishtina	Mornar
Çereku i parë	17	19
Çereku i dytë	25	12
Çereku i tretë	11	24
Çereku i katërt	8	17
Kërcime	34	32
Asistime	16	17
Bllokada	0	3
Topa të vjedhur	7	4
Topa të humbur	9	11
Tentime për tre pikë	7/27 (26%)	9/25 (36%)
Tentime nga loja	22/61 (36%)	27/64 (42%)
Tentime nga gjuajtjet e lira	11/18 (61%)	9/10 (90%)

Statistikat individuale te Sigal Prishtina

1	Mohamed Abukar	22 pikë	3 kërcime	2 asistime
2	Stanimir Marinov	9 pikë	9 kërcime	4 asistime
3	Dardan Berisha	8 pikë	4 kërcime	3 asistime
4	Khalid El-Amin	8 pikë	4 asistime	3 kërcime
5	Blerim Mazreku	6 pikë	5 kërcime	1 asistim
6	Yll Kaçaniku	5 pikë	1 kërcim	-
7	Gazmend Sinani	2 pikë	4 kërcime	1 asistim
8	Gëzim Morina	2 pikë	3 kërcime	1 asistim
9	Edmond Azemi	-	2 kërcime	-

Statistikat individuale te Mornari

1	Austin Chatman	19 pikë	5 asistime	3 kërcime
2	Balsa Radunovic	11 pikë	5 kërcime	1 asistim
3	Marko Mijovic	11 pikë	3 kërcime	2 asistime
4	Miahilo Radunovic	8 pikë	3 kërcime	-
5	Marko Calic	6 pikë	5 kërcime	4 asistime
6	Radoje Vujosevic	6 pikë	2 kërcime	1 asistim
7	Miroslav Damjanovic	5 pikë	3 asistime	-
8	Milos Lopicic	2 pikë	8 kërcime	1 asistim
9	Emir Hadzibegovic	2 pikë	2 kërcime	-
10	Marko Perovic	2 pikë	1 kërcim	-