KUPA E KOSOVËS
BOROZANI/Lis Dorambari/Arkiv
Besa eliminon Vëllaznimin nga Kupa
30 October, 2014 @22:47
Nga ndeshjet e sontme të Kupës së Kosovës në basketboll, dueli më interesant është zhvilluar në Karagaç të Pejës ku Besa ka pritur Vëllaznimin e Gjakovës.
Përkundër se gjakovarët insistuan, Besa nuk ka lejuar që të mposhtet në vend të vetë dhe i ka eliminuar ata.
Besa në fund me 7 pikë epërsi ka mposhtur ekipin kuqezi nga Gjakova dhe është kualifikuar tutje në Grupin D, bashkë me Trepçën që mposhti lehtë Kalanë dje.
Besa ka qenë befasi e stinorit të kaluar në Kupë të Kosovës duke arritur në Final Four, pasi që kishte eliminuar Trepçën në ndeshjen e Final 6.
Sa i përket ndeshjes së Grupit C, Malisheva ka mposhtur si mysafire Rahovecin 86-92.
Nikoqiret fitojnë te femrat
Në konkurrencën e femrave, Ylli i Suharekës ka fituar për një pikë Trepçën 56-55 në një ndeshje interesante, kurse Vëllaznimi nuk ka pasur problem ndaj vajzave të Kastriotit, duke i mposhtur 53-36.
REZULTATET E DJESHME DHE GRUPET
REZULTATET:
| Meshkujt: | Besa-Vëllaznimi 70-63; Rahoveci-Malisheva 86-92; |
||
| Femrat: | Ylli-Trepça 56-55; Vëllaznimi-Kastrioti 53-36; |
