Besa fiton turneun ‘Adem Jashari’

Në turneun memorial ‘Adem Jashari’ në sportin e futsallit, fituese u shpall skuadra e Besës nga Peja.

Pejanët triumfuan në këtë turne pas fitores në finalen e luajtur sot ndaj skuadrës së Prishtinës, në një takim i cili ishte mjaft interesant. Koha e rregullt u mbyll me rezultat 1-1, ndërsa me rezultat të njëjtë u mbyllën edhe 2 vazhdimet prej 5 minutave dhe kështu fituesi u detyrua të përcaktohej përmes goditjes së penalltive.

Nga penalltitë, më e suksesshme u tregua skuadra pejane, e cila shënoi 3 herë përmes Vahid Krasniqit, Shkodran Loshajt dhe Elton Maxharajt, për t’u shpallur kështu kampione e këtij turneu përkujtimor.

Lojtari më i mirë i këtij turneu u shpall Taulant Rusinovci i Besës, derisa çmimi i portierit më të mirë i takoi Bajram Ramadanit, gjithashtu anëtar i Besës.