BIBL falenderon Vllazninë dhe Teodon

Pas përfundimit të fazës së parë në stinorin 2014/15 të ligës ballkanike, drejtuesit e kësaj lige kanë shfrytëzuar faqen zyrtare të tyre për të falenderuar për pjesëmarrje ekipet e eliminuara nga kjo fazë. 

Vllaznia e Shkodrës, që debutoi këtë stinor në BIBL dhe Teodo e Tivatit nga Mali i Zi, kanë përfunduar në vende të fundit të grupeve të tyre përkatëse dhe nuk do jenë pjesë e kësaj lige në vazhdim. 

“Stinori i parë i Vllaznisë në arenën ndërkombëtare, ka qenë me rëndësi pasi që ekipi ka marrë përvojë, ndërsa do të ndihmojë në zhvillimin e basketbollit në Shkodër dhe Shqipëri. Jemi të lumtur që ky ekip ka marrë pjesë dhe e ka përfunduar atë në mënyrën fer dhe korrekte,” shkruhet në komunikatën e Balkan League, të botuar sot. 

Vllaznia ka përfunduar e fundit në Grupin B të Balkan League, duke mos shijuar fare fitoren. 

Skuadrat kosovare, Peja dhe Sigal Prishtina, kanë kaluar në fazën tjetër të kësaj lige. 

TABELA PËRFUNDIMTARE E FAZËS SË PARË

GRUPET E REJA NGA TË KUALIFIKUARIT