EURO GRUPI E
Kampioni mposht Real Madridin
29 January, 2015 @22:53
Kampioni aktual i Europës në basketboll, Maccabi Tel Aviv, ka treguar forcën përballë Real Madridit sonte, duke ua shkaktuar humbjen e parë madrilenëve në fazën e dytë grupore të Euroleague.
Ekipi i trajnerit, Guy Goodes, ka mposhtur ngushtë madrilenët në një ndeshje tejet interesante, derisa më meritorët për fitoren e ekipit izraelit kanë qenë: Jeremy Pargo me 11 pikë, 9 asistime dhe 4 kërcime si dhe Sofoklis Schortsanitis me 17 pikë e 8 kërcime.
Te Reali, Felipe Reyes u dallua me double-double prej 20 pikëve dhe 11 kërcimeve, ndërsa Sergio Llull shënoi 11 pikë dhe 3 asistime në humbjen e parë të ekipit në Grupin E.
Maccabi pas kësaj ndeshjeje ka barazuar bilancin me Realin në 4-1.
