Blokotehna e fortë për Bashkimin

Përkundër këndelljes në pjesë të dytë, Bashkimi nuk ka arritur të shkrijë assesi epërsinë e mysafirëve të arritur në pjesë të parë, për të regjistruar humbjen e parë të vitit në BIBL, pasi që u mposht nga lideri, Blokotehna, 75-91 në Prizren.

Ekipi nga Gjevgjelia shkoi në pushim me 11 pikë epërsi, ndërsa këtë e shtoi në çerek të tretë, duke mos lënë prizrenasit që të fitojnë as çerekun e katërt, për përfundimtaren me 16 pikë epërsi.

TABELA AKTUALE E BIBL

Danilo Mijatovic ka qenë i pandalshëm për forcat vendase sonte. Ai ka shënuar 26 pikë, 9 kërcime dhe 3 topa të rrëmbyera në fitoren e Blokotehnas, ndërsa 13 pikë të tjera ka shënuar edhe Anton Kazarnosvski që ka shtuar edhe 9 kërcime e 3 asistime në statistikat e tij në këtë fitore.

Te Bashkimi, Aaron Moss ka qenë më efikasi. Amerikani ka shënuar 23 pikë, 8 kërcime e 5 asistime - duke qenë më i miri te portokallezinjtë. Por, kjo performancë e tij nuk ka mjaftuar për fitore. Mikaile Tmusic ka shtuar 19 pikë të tjera për Bashkimin sonte, derisa ekipi ka luajtur me 7 lojtarë.

Pas kësaj ndeshjeje, Bashkimi pret Tiranën javën që vjen në Prizren, ndërsa aktualisht ka bilanc 2-5, derisa Blokotehna thellon epërsinë në krye, duke kapur bilancin 7-1.